Davao City- Dili makasulbad sa mga krimen nga posible mahitabo sa Barangay ug Sangguniang Kabataan Election sa buwan sa uktobre karong tuiga ang pagpatuman og nationwide total gun ban.
Sumala ni Mindanao Social Communication Director Candido Aparece Jr., hangtud dili ma-regulate ang mga armas nga hawid sa mga kriminal ug mga politiko dili gihapon epektibo ang gun ban sa barangay ug SK election karong Oktubre.
Wala mubilib si Aparece sa kapasidad ug abilidad sa kapulisan diha sa hugot nga pagpatuman sa gun ban sa nasud ug kamatooran niini mao ang padayon nga paghitak sa mga armas nga gigamit sa mga politiko panahon sa eleksyon.
Usa sa bug-at nga rason ngano malisdan ang mga awtoridad sa pag-regulate sa mga loose firearms kini tungod mismo ang pipila kanila tauhan sa mga politiko nga mga warlords.
Kung buot gayod sa nasudnong kapulisan nga hapsay ang piniliay sa Oktubre angay unahon pagbungkag ang mga private armies nga iya sa mga politiko.
RadyoMan Joel Viray
