Nat’l Meat Inspection Service mipagawas og kamanduan alang sa mga slaughterhouses ug poultry

20

Pagadian City – Arun sa pagsiguro nga hinlo ug luwas ang mga konsumante sa pagkaon sa karne nga ginabaligya sa merkado publiko, mipagawas ug kamanduan ang National National Meat Inspection Service (NMIS) Region 9 ngadto sa mga slaughterhouses o mga ihawanan dinhi sa syudad sa Pagadian ug sa tibook Zamboanga Peninsula kalabutan sa mga butang nga angay sundon ilabina niining gisagubang nga pandemya sa COVID 19.

Namahayag si NMIS Regional Technical Director Dr. Arturo de Jesus Jr., nga lakip sa gimando karon sa ilang buhatan isip kabahin sa security measures mao nga ang tanang slaughterhouses, planta o poultry kinahanglan magmontar og handwashing stations alang sa mga workers nga mosulod sa establisimento ug ang pagbaton ug thermal scanner arun masusi ang temperatura sa lawas sa mga trabahante.


Gawas niini, girequired usab sa NMIS9 ang pagpasuot ug Personnel Protective Equipments (PPEs) ilabina ang face masks ngadto sa mga trabahante arun masigurong limpyo ang karne ug luwas sa sakit nga COVID 19.

Facebook Comments