Nat’l security adviser, nababahala na rin sa pagdami ng mga Chinese worker sa bansa

Nababahala na rin si National Security Adviser Hermogenes Esperon sa pagdami ng mga manggagawang Tsino sa Pilipinas.

Ito ay makaraang lumabas sa pagdinig ng Senado noong Pebrero na 50.3% o 85,496 mula sa kabuuang 169,893 nabigyan ng alien employment permits ng DOLE ay mga Chinese.

Ayon naman sa task force na binuo ng Department of Finance (DOF) – nasa higit 100,000 dayuhang nagtatrabaho sa Philippine Offshore Gaming Operators (POGO) ang hindi nagbabayad ng income tax.

Sabi ni DOF Assistant Secretary Tony Lambino – karamihan sa mga POGO workers ay mga Chinese national.

Para naman kay Presidential Spokesman Salvador Panelo, walang dapat ikabahala sa pagdami ng mga Tsino sa bansa.