Quezon City – Patay ang tatlong katao matapos na maganap ang sunog sa isang residential-commercial area sa Novaliches, Quezon City.
Sa ulat, nagsimula ang sunog alas 2:54 ng madaling araw sa bahagi ng Damong Maliit, Barangay Nagkaisang Nayon.
Tinupok ng apoy ang walong commercial establishment at 3 residential unit at nadamay din ang isang sasakyang nakaparada.
Kabilang sa tatlong nasawi ang isang limang taong gulang na bata kung saan ayon sa isa sa mga residente na si Erick Francisco nagmula ang sunog sa isang tindahan ng paputok.
Umabot sa ikatlong alarma ang sunog at naideklarang fire out alas-4:34 ng umaga habang patuloy ang imbestigasyon ng Quezon City fire department sa naturang insidente.
Facebook Comments
