Roxas City, Capiz – Naglab-ot sa anum ka mga balay ang natupok sangh kalayo sa nagluntad nga sunog sa Philippine Railway Street, Barangay 9, Roxas City kaina sang hapon. Ginpahayag ni Fire Senior Inspector Stephen Jardeleza, City Fire Marshall nga madasig nga naglapta ang kalayo bangud human sa mixed materials kag halos nagadilikit – lang ang distansya sang mga pamalay sa amo nga lugar.
Nahibaluan nga ginbuglayan sa pagresponde ang mga katapo sang pamatay sunog bangud makitid ang dalan rasun nga mabudlay ang pagsulod sang mga firetrucks. Suno sa pila ka mga residente, nga nagikan ang sunog sa balay ni Bebot Aguirre kag naglapta sa iban pa nga mga balay nga ginapanag-iyahan nanday Punong Barangay Eufrosimo Azarcon, Letty Aguirre, Bebing Abada, Janjan Amparado kag Beltran Azarcon
Nagapadayon pa ang imbestigasyon sang BFP – Roxas agud hibaluon ang kabangdanan kag matul-id ang kabug-usan nga kahalitan sa nasambit nga sunog.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
