ILOILO City – Wala sang sense of excitement.
Ini ang pahayag ni City Councilor Plaridel Nava angot sa iya obserbasyon nga maluya ang ika 50 ka tuig nga selebrasyon sang Dinagyang festival.
“Wala sang sense of excitement, medyo maluya ang espiritu daw wala bala. Sa dira maconsider naton nga… ihatag naton nga rason nga perhaps ang syudad sang Iloilo may ara sang shock, naapektuhan sang ‘shabulaize’ city…”
Suno kay Nava, dapat mabatian na ang paghinugyaw sang mga tawo kag mabatyagan na ang espiritu sang dinagyang ilabi na nga isa na lang ka semana antes ang highlight apang iya na-obserbahan nga daw kaluya sang syudad.
Ginpahayag ni Nava nga mahimo apektado ang mga pumuluyo bangud sa asud-asod nga hitabo, isyu kag kontrobersiya nga nagakatabo sa syudad sang Iloilo.
