Navotas at Pateros, nasa critical risk level na ayon sa DOH

Kinumpirma ng Department of Health (DOH) na nasa critical risk classification na ang Navotas at Pateros

Ayon kay Health Usec. Maria Rosario Vergeire, ito ay dahil sa mataas na 2-week growth rate at average daily attack rate sa nasabing mga lugar

Bukod dito, nasa 100% ang COVID bed utilization ng Navotas habang ang Pateros ay 100% na rin ang occupancy sa Intensive Care Unit (ICU).

Bukod sa Navotas at Pateros, 9 na lugar pa sa Metro Manila na nasa High Risk Classification ang nasa mahigit 70 percent ang Health Care Utilization Rate (HCUR).

Ang District 2 at District 4 ang High Risk Level at tinututukan ngayon sa pangangailangang medikal ng COVID-19 patients.