Navy arestado ang bangkang adunay P4M nga smuggled cigarettes lakip na 3 crew

Davao City- Arestado sa barko sa Philippine Navy nga BRP Artemio Ricarte (PS37) ilawom sa Naval Forces Eastern Mindanao (NFEM) ang bangka nga MB Patay Sapa diin sakay ang anaa sa 100 ka mga kinartong smuggled cigarettes nga gibyahe gikan pa og Indonesia.

Sa interbyu sa DXDC RMN Davao kang CDR Renante Del Prado, Acting Commander sa Naval Task Group 7.1, sa gilusad nga Visit, Board and Search operation nasayran nga aduna kiniy kargang mokantidad sa P4M nga mga smuggled nga mga sigarilyo.

Matud ni Prado, giingong sa Linao, Maasim, Sarangani Province kini ipang-deliver.

Tulo ka mga crew ang nadakpan sa mga Navy personnel.

Sumala sa kapitan sa maong bangka igo lang silang gisugo nga kuhaon ang mga smuggled cigarettes sa Indonesia ug gi-swelduhan og tag-P5,000.

Tungod sa kalisod sa pagpanagat nisugal sila sa maong trabaho bisan pa ma’g illegal kini matud sa nadakpang crew.

I-turn-over sa Sasa Police Station ang tulo ka mga crew ug kasuhan og paglapas sa RA 4712 kun an Act amending certain sections of Tariff and Customs Code of The Philippines.

RadyoMaN Aimee Guinita