NBA – Maging si Los Angeles power forward Blake Griffin ay hindi inaasahan na ipinalit siya ng Clippers kina Tobias Harris, Avery Bradley, Boban Marjanovic at dalawang future draft pick ng Detroit Pistons.
Sa kaniyang Twitter account, nag-post si Griffin ng larawan ni Will Smith na gulat na gulat ang itsura. Patunay daw ito na maging siya ay hindi inaasahan ang blockbuster trade.
Hindi naman masisisi si Griffin dahil kakapirma lamang niya ng five year contract extension na nagkakahalaga ng $171.2m sa Clippers ilang buwan lamang ang nakakaraan.
Bukod kay Griffin, ipinadala rin ng Clippers sina Brice Johnson at Willie Reed sa Pistons.
Facebook Comments
