Ang pagnanais na maibalik sa dati nitong puwesto bilang contender sa National Basketball Association ang siyang dahilan kung bakit pinili ni Lebron James na maglaro sa Los Angeles Lakers sa susunod na apat na taon.
Ayon sa 4-time league MVP at three-time champion, nais nitong tulungan makabalik sa playoffs ang Lakers na matagal-tagal na rin hindi nakakarating sa post-season.
Sinabi pa ni James na kahit sinasabi ng marami na nasa rebuilding year ang koponan, malaki ang pag-asa ng Lakers na patunayang mali ang mga kumukutya sa Lakers.
Alam ni James na hindi magiging madali na gawin ang bagay na ito lalo na’t magkaiba ang sitwasyon sa Miami at sa Cleveland na parehong nabigyan ng kampeonato ng isa sa mga pinakamagaling na player na naglaro ng sport.
