NBA – Kung si Stephen Curry ang masusunod, nais nitong tapusin ang kaniyang career bilang miyembro ng Golden State Warriors.
Ayon sa two-time league MVP at three-time champion, obvious naman daw ang mga dahilan kung bakit sa Warriors lamang niya nais maglaro sa NBA.
Bukod kasi sa maayos ang koponan, maganda rin ang suporta ng Bay Area sa Warriors.
Siyam na taon nang naglalaro sa Warriors simula nung mapili siya bilang 7th overall sa 2009 draft.
Mula sa 29-win season bago siya naglaro sa team, unti-unting nabuo ang dynasty ng Warriors sa pangunguna ni Curry.
Nakapasok sa apat na sunod na NBA finals ang koponan kung saan tatlong beses silang nagkampeon.
Ang Warriors ngayon ang pinakadominanteng team sa liga at posibleng tumagal pa ng ilang taon ang kanilang paghahari sa NBA.
