Hasul jud mangita ug trabaho mga idol pero mas hasul jud ang lininyahay para makakuha ka sa mga gikinahanglan nga mga requirements. Pamedical didto, government numbers diri ug syempre di jud na mawala ang NBI clearance.
Gikinahanglan kining NBI clearance para makasigurado ang kompanya nga imung gisudlan nga limpyo imung record ug di ka badlungon sa katilingban hehe. Pero seryoso mga idol, importante kaayo kini nga requirement.
Trabahante sad baya ta mao nang makarelate jud ko anang lininyahay para makakuha sa NBI clearance. Sakit pa gani kaayo sa buot kung ikaw ma “hit” kay dangtan pa na ug mga duha ka semana o labaw pa usa makuha imung clearance. Unsaon nalang kung layo inyo labi na sa mga nahimutang sa Norte, hasul jud ang magbyahe pa padung diri sa sentro sa Cebu City. Dugang pa ang kamahal kung ipadeliver kini.
Mao nang good news para sa mga trabahante nga nahimutang sa Northern Cebu! Ang NBI clearance center buksan na pohon dira sa Second Level sa Sands Gateway Mall Danao.
Dili na kaayo hagu, dili pa kalas ug plete, naa pa kay oras sa imung uyab!
Kinsa man tung nakasuway na sad sa kahasul pagkuha sa ilang requirements labi na sa NBI bi? Comment below mga idol.
<#m_8940579147108001895_DAB4FAD8-2DD7-40BB-A1B8-4E2AA1F9FDF2>
Source: Sands Gateway Mall Danao facebook page
