NBI kag NFA nagpatigayon sang inspection sa mga bodega sang rice dealers sa Bacolod

BACOLOD CITY – Ginklaro ni NBI Bacolod in-charge Atty. Renoir Baldovino nga wala sang hoarding nga nagakatabo sa dalagkuan nga mga rice dealers diri sa ciudad sang Bacolod.

Ini kasunod nga kahapon nagpatigayon sang surprise inspection ang National Bureau of Investigation kag ang National Food Authority sa identified nga apat ka dalagku nga bodega sang bugas sa Bacolod.

Suno kay Atty. Baldovina nga base sa ila assessment kag findings, wala sang balasehan nga makasiling may nagakatabo nga hoarding sang bugas.


Bangud suno kay Baldovino nga base sa assessment sang NFA wala sang abrupt ukon hinali nga pagsaka sa level sang stock sang mga bugas sa sini nga mga rice dealers nga naga –operate sa Bacolod.

Nahibaluan nga ang source ukon ginakuhaan sang supply sang bugas sang amo nga mga rice dealers ang naghalin pa sa Iloilo, Bicol kag Manila nga mas mataas ang presyo./dyHB BACOLOD

Facebook Comments