NBI niandam na ug kaso sa tag-iya sa piggery

2826

Giandam na sa National Bureau of Investigation ang mga kaso batok sa tag-iya sa gisirhan nga piggery farm sa Barangay Sangat sa lungsod sa San Fernando .

Kasong kalapasan sa Phillipine Fisheries Code ug Clean Water Act ang atubangon sa tag-iya sa babuyan nga si Santiago Tanchan III , ug tulo ka empleyado niini nga sila si Jayson Fritz Aguanta, Rosario Aguanta ug Jeramil Sabala .

Ang NBI sa kaulohan maoy nangu sa inter-agency operation batok sa piggery ni Tanchan diin nasakpan nga ang hugaw gikan sa babuyan gilahos ngadto sa dagat pinaagi sa gibutang nga dagkung PVC nga tubo .

Ang kabaho sa babuyan kaniadto pa gireklamo sa mga tawo hinungdan nga napagya ang maong lugar nga “ baryo baho.”

Lakip sa niabag sa NBI sa pagserve sa search warrant batok sa tag-iya sa piggery mao ang NBI sa Sugbu , BFAR, Coast Guard, ug DPWH.

Facebook Comments