NBI-SEMRO XI, nagpahimangno sa katawhan nga mag-igmat sa pagpalit og yuta

Davao City – Nagpahimangno karon ang NBI-SEMRO XI sa katawhan nga kanunay nga mag-igmat kung mupalit ug yuta aron makalikay sa mga problema kabahin sa yuta.

Sumala ni Atty. Archie Albao, NBI-SEMRO Director nga giawhag niya ang katawhan nga dili magkumpyansa sa mga tao nga gikatransaksyon sa pagpalit ug yuta.

Kinahanglan sumala pa nga subayon sa Buyer ug Seller kung lehitimo ang ilang ka transaksyon, gikan sa mga papeles isip mga Real Estate Broker ug kon lihitimo ba ang mga titulo nga ilang gihuptan.

Sumala pa nga makig-alayon gilayon sa mga ahensya sa panggamhanan aron masiguro nga dili palyado ang transaskyon sa yuta, sama sa NBI, Department of Settlement, Housing and Urban Development, Professional Regulation Comission ingun man ang Registry of Deeds.

Nasayran nga nag-ugat ang panawagan sa opisyal human nga adunay duha ka babae nga nadakpan nga namaligya og yuta nga dili ilang propidad, hain nagpailang Real Estate Broker ug namaligya sa yuta hain ang tag iya walay kasayuran.

RadyoMaN Bien Abanos