Davao City- Andam motabang ang National Bureau of Investigation (NBI) Southern Mindanao sa pagsulbad sa kaso sa pagpamatay sa mga lumad sa Marilog District, Davao City.
Giingon ni NBI XI Director Atty.Archie Albao, kung magduso og resolusyon ang Davao City Council, aron pangayuon ang ilang serbisyo, dili sila magduha-duha sa pagtabang ug imbestigahan aron masulbad ang kasong pagpamatay batok sa mga Lumad ilabi na sa mga Datu sa Marilog area, aron mahatagan og hustisya ug masilotan ang mga kriminal.
Sa pagkakaron, wa pa’y pormal nga koordinasyon ang Indigenous People Mandatory Representative (IPMR) sa Konseho sa NBI-XI nga magsilbing basihan sa himoong imbestigasyon.
Giklaro sa Director, dunay mga pamilya sa gipatay nga mga lumad ang midangop ug nagpatabang kanila, apan ang kapulisan maoy nanguna sa imbestigasyon ug dili ang ilang buhatan.
RadyoMaN Joel Viray
Facebook Comments
