Sa interview sa DXDC RMN Davao kang Atty. Alchie Albao, Regional Director sa NB-XI, iyahang gipasabot nga gamay ra sila nga NBI personnel hinungdan nga walay rason nga mugamit sila’g pwersa batok sa liboan ka mga tawo sulod sa KOJC compound. Dili usab sila buot og gubot rason nga malinawon nilang gi-search ang sulod sa King Dome, apan negatibo gihapong nakit-an ang pastor.
“Nganong man ‘to sauna (nga raid) nga wala ‘mi nila gikwestyon? Kay duna mi nadakpan. Karon ginakwestyon ‘mi, naay mga kumento nga dili maayo. Siguro kay wala mi nadakpan ug dili samok ang among pagsulod. Ang gusto siguro sa kanang nagakumento nga mahimong bloody ang among pag-serve (og warrant). Dili man ingon ana among purpose,” saysay ni Albao.
Padayon gihapong gipanawagan sa NBI-XI official ang pag-surrender ni Quiboloy ug iyahang kaubanang akusado ug atubangon ang ilahang mga kaso sa korte, diin aduna man sab mga abogado ang KOJC nga kayang depensahan ang nahisgutan.
RadyoMaN Kirby Manzon
