Davao City- Giklaro sa National of Bureau Investigation (NBI) Southern Mindanao, wala pa silay nadakpang mga rice retailers nga misupak sa gipatumang price ceiling sa bugas.
Matud ni NBI-XI Director Atty.Archie Albao, aduna silay gihimong monitoring sa mga merkado aron maniid batok mga retailers nga wala mopa-ubos sa presyo, apan sagad niini pulos mituman sa rice price ceiling.
Gibutyag ni Albao, kauban nila ang Inter-Agency Task Force nga gilangkuban sa DTI, DA, PNP ug NBI, ang mihimo og pagsusi sa bodega sa mga rice traders sa dakbaya, apan nasuta nga nisunod sa saktong presyo sa matag sako sa bugas ang gi-supply niini sa mga retailers.
Gipasabot sa Director, adunay atubangong multa o kaso ang makalapas niini.
RadyoMaN Joel Viray
Facebook Comments
