Hindi na pinatagal pa ng San Beda Red Lions ang championship game kontra Lyceum Pirates sa NCAA Season 94 Men’s Basketball Tournament.
Tinalo ng San Beda ang Lyceum sa game-2 sa score na 71-56 kung saan nanguna para sa Red Lions sina Donald Tankoua na may 13-points at finals MVP na si Jayvee Mocon na may 16-points.
Ito na ang ika-22 na kampeonato ng San Beda kaya at masaya si coach Boyet Fernandez sa pagkakakuha ng kampeonato lalo na at anim sa mga players nito ang ga-graduate na sa susunod na taon.
Nasungkit naman ni University of Perpetual Help System Dalta Center Prince Eze ang Season MVP Award habang nakasama nito sa mythical team sina San Beda Players Robert Bolick, Mocon at Tankoua at Bong Quinto ng Letran.
Facebook Comments
