Davao City – Gipatawag na sa Bureau of Fire Protection (BFP-XI) ang pipila ka mga empleyado lakip ang contractors ug tag-iya sa building sa NCCC Mall Buhangin ning syudad human sa nahitabong sunog sa ika-upat nga andana sa maong gambalay alas-12:45 sa kadlawon niadtong miaging adlaw.
Sa interview sa DXDC RMN Davao kang SFO2 Ramil Gillado, Deputy Chief for Investigation and Intelligence Section sa Davao City Fire District nga parte kini sa ilang ginahimong imbestigasyon aron masuta ang hinungdan sa pagkasunog.
Matud pa nga adunay nakitang mga nabiling linya sa kuryente ug welding works nga ginalantawng posibleng rason sa sunog.
Una ng giingon ni Gillado nga wala usab panumbalinga ang posibilidad nga gituyo kini.
Samtang gibana-banaang mokabat sa P400,000 ang damyos sa maong insidente diin dunay natalang nasunog nga speakers nga itaoray sa Cinema lakip ang carpet.
Kahinumduman nga nasayran’g dunay nag aso sa cinema, 4th floor sa maong gambalay nga daling girespondehan sa kabomberohan ug gideklarang fire out ala-1:50 sa kadlawon.
RadyoMaN Renz Barbarona
