Davao City – Gikumpirma sa Interagency Anti-Arson Task Force (IAATF) nga ila nang gisumite ngadto sa Department of Interior and Local Government (DILG) ang final report sa ilang imbestigasyon kabahin sa nahitabong sunog sa NCCC mall kaniadtong Disyembre 23, 2017.
Sumala ni IAATF deputy team leader ug spokesperson Fire Superintendent Jerry Candido nga kagahapon lang sa buntag nila nahatag ngadto sa sekratarya sa DILG ang maong report.
Kahinumdoman nga sa inisyal nga imbestigasyon, wala naka-konektar ang fire alarm system sa mall ngadto sa opisina sa SSI, rason nga ulahi nang nahatagan og impormasyon ang mga SSI employee diin 38 ang namatay.
Gawas niini, wala usab nikomporma ang fire exit sa bureau’s standard sa fire safety lakip ang mga wala niganar nga sprinklers.
Sa pagkakaron, wala pay naka-schedule nga adlaw alang sa paghukom.
RadyoMaN Jason Amisola
