Davao City – Gikatakda karong adlawa, adlawng Lunes nga i-sumiter sa Interagency Anti-Arson Task Force (IAATF) ang final report sa ilang imbestigasyon kabahin sa sunog sa NCCC Mall Davao ngadto kang Department of the Interior and Local Government (DILG) officer-in-charge Eduardo Año.
Sumala sa tigpamaba sa maong taskforce nga si Fire Supt. Jerry Candido nga og mapirmahan na ni Año ang maong report, ihatag gilayon nila kini sa Department of Justice alang sa pagpasaka og mga reklamo kabahin sa sunog.
Ang IAATF magpasaka og criminal complaints batok sa NCCC Mall Davao, City Building Office, mga opisyal sa Bureau of Fire Protection (BFP)-Davao, Survey Sampling International (SSI), Philippine Economic Zone Authority, Rockfort Construction Company nga gituuhang responsable sa dakong sunog nga natigayon sa maong mall niadtong Disyembre nga miresulta sa pagkamatay sa 38 ka mga tawo.
RadyoMaN Renz Barbarona
