Davao City – Angayan lamang nga imbestigahan ang nahitabong trahedya sa NCCC Mall nga nikalas sa 37 ka mga kinabuhi.
Sumala ni Davao City Council majority floor leader Bernard Al-ag, gikinahanglang masusi kung ang mga mall owners nagtuman ba sa mga safety standards alang sa kaluwasan sa mga trabahante ug customers.
Giingon sa majority floor leader nga gikinahanglan kining himoon aron malikayan nga dili na kini mahitabo pag-usab sa ubang mga mall sa syudad.
Samtang dili pabor ang usaka konsehal sa ikatulong distrito ning syudad sa himoong imbestigasyon sa senado kabahin sa nahitabo sa NCCC mall.
Matud ni Councilor Conrado “Conde” Baluran, chairman sa Committee on Transportation and Communication, sila sa konseho ang angay mag-imbestigar aron masusi kung unsay kakulangon sa mga bombero sama sa kagamitan, personahe ug igong katakus.
Gipasabot ni Baluran nga ang konseho ning syudad ang mo-imbestigar ilabina nga nia sa syudad nahitabo ang insidente aron mapangitaan og solusyon ug unsay ilang ikatabang ilabina sa Bureau of Fire Protection (BFP).
RadyoMaN Bernard Pantallon
