Davao City – Wala makaangay ang Konseho sa syudad sa Davao sa gihimong proseso sa pagpili sa Indigenous Peoples Mandatory Representative (IPMR), tungod kay dili maayo.
Sa interview sa DXDC RMN Davao kang Davao City Vice Mayor Bernard Al-ag, ang National Commission on Indigenous Peoples (NCIP-XI) maoy nagpili kang Cherry Ann Codilla isip IP Representative gikan sa Klata-Bagobo Tribe sa Davao City Council ug karon ilang i-diskwalipikar sa rason nga wala mohaum ug nituman sa mga rekisitos si Codilla.
Sumala ni Vice Mayor Al-ag, ila na untang gi-disqualify si Codilla niadto pa samtang gipailawom pa kini sa proseso ug dili karon nga nakalingkod na.
Alayon niini gihagit na lamang sa Konseho ang NCIP nga magpagawas na ug Certificate of Affirmation (COA) alang kang Codilla aron dili mahimong kataw-anan.
Sa pikas bahin, mamahimong modangop sa korte si Codilla, pinaagi sa pagpasaka ug mandamus kabahin niini.
RadyoMaN Bernard Pantallon
