Mi-anunsiyo kagabii ang National Commission on Muslim Filipinos o NCMF nga ugma, o Hunyo 5, pa ang katapusan sa Ramadan sa mga igsoong Muslim.
Kini tungod kay walay nakit-ang bulan kagabii ang Moonsighting Commitee sa tibook Pilipinas, lakip na ang Bangsamoro Darul Ifta.
Ang moonsighting o ang pagtan-aw kung migawas ang bulan ipahigayon aron pagsuta kung kanus-a magsugod ug kanus-a magtapos ang Ramadan.
Apan ang ubang mga Muslim countries o nasud sama sa Saudi Arabia, nakit-an kagabii ang bulan busa karong adlawa gitapos ang Ramadan.
Ang probinsiyal nga kagamhanan sa Lanao del Sur, nangandam na karong orasa alang sa ilang Salatul Eid o grand prayer sulod sa may provincial capitol.
Nagpasabot nga karong adlawa na tapuson sa mga Maranao sa Marawi ug Lanao del ang ilang Ramadan.
Sama sa naandan, usa ka salo-salo sa pamahaw ang ipahigayon karong buntag human sa grand prayer sulod sa capitol complex.
Sa relihiyong Islam, ang Salatul Eid o grand prayer maoy pagtapos sa Ramadan.
Ang Ramadan usa ka tinuig nga pag-obserba sa mga Muslim sa usa ka balaan nga bulan pinaagi sa pag-fasting o pag-ayuno ug pag-ampo.
Si Presidente Rodrigo Duterte ang una nang nagdeklara nga non-working holiday ang Hunyo 5 alang sa maong selebrasyon.
