Gikumpirma karon sa National Disaster Risk Reduction Management Council (NDRRMC) nga niabot na sa 164 ka mga tawo ang deklaradong casualties ni bagyong ‘Vinta.’
Sa usa ka media briefing, gibutyag ni NDRRMC spokesperson Romina Marasigan nga gawas niini, aduna pay 176 ka mga tawo nga padayon pang gipangita sa ilang mga paryente.
Sa pagkakaron, adunay 19,485 ka mga pamilya nga nagpabilin sa mga evacuation centers samtang 12,189 nag-estar karon sa ilang mga paryente.
Dugang ni Marasigan nga adunay pipila ka mga lugar sa Zamboanga, Palawan ug Davao Region diin gipaningkamotan pang mahibalik sa normal ang supply sa ilang kuryente.
Tulo ka mga komunidad sa Mindanao gideklara na ilawom sa ‘State of Calamity’ sama sa mga lungsod sa Zamboanga del Sur, Bacolod, Lanao del Sur ug ang tibuok probinsya sa Lanao del Norte.
Matud sa tigpamaba nga balor P10.3M asistinsya gikan sa gobyerno natunol na ngadto sa mga biktima sa maong katalagman.
RadyoMaN Abi Bibera
