Davao City – Nagapadayon pa karon ang pakigkoordinar sa National Disaster Risk Reduction and Management Council (NDRRMC) ngadto sa ilang regional counterparts alang sa ensaktong impormasyon kun unsa kataas ang lebel sa tubig-baha, sa gidaghanon sa mga naapektuhan ingon man ang ninggulang damyos sa kinatibuk-an atol sa nahitabong baha sa Davao City.
Sa eksklusibong interbyu kang NDRRMC Spokesperson Romina Marasigan sa programang ‘Straight to the Point’, gidayeg niya ang pagreyalisar sa Davao City kabahin sa importansya sa ilang kampanya sa ‘pre-emptive evacuation’.
Base sa nahitabong pre-emptive evacuation sa mga Dabawenyos, daku ang pag-improbar sa pagpangandam sa katawhan batok sa mga kalamidad diin siya nagpahinumdom sa importasya usab sa ‘geo-hazard maps’ nga kinahanglan mahibaloan sa mga residente sa usa ka barangay.
Inisyal nga gikataho dinhi sa dakbayan nga daku ang purohan nga nakab-ot niini ang gi-target nga ‘zero casualty’ panahon sa kalamidad gamit ang bag-ong mga pamaagi sa ‘disaster mitigation measures’ sama sa pagpalig-on sa mga komunidad gikan sa flashfloods ug ang advanced nga paghiklin sa mga residente sa ‘high-risk communities’ antes pa moabot ang baha o bagyo o uban pang trahedya.
Gidugang usab ni Marasigan nga adunay dugang ayuda ang nasyunal nga panggamhanan alang sa mga naapektuhan ni bagyong ‘Vinta’.
RadyoMaN Jason Amisola
