Needed: More PUV units vs distancing

17

Davao City – Gidasig karon sa North and South Van Federation (NSVF) nga naka base denhe sa dakbayan sa Davao ang publiko nga sundon ang mahitabong kausaban sa reduced social distancing nga planong ipatuman sa nasudnong gobyerno sa dili madugay.


Matud ni Federation Board Member Rommel Bajador, nasayod ang kagamhanan kon kanus-a luagan ang distansiya sa mga pasahero sa mga public utility vehicles (PUVs), busa makatarunganon lamang usab nga tumanon kini sa tanan.

Alang kang Bajador, ang usa ka metro nga distansiya sa matag pasahero paigo na aron dili mameligro ang panglawas sa riding public hatud sa COVID-19 pandemic.

Sugyot ni Bajador nga mas maayong tun-an ang option nga magdugang og mga PUV units aron dili magpunsisok diha sa pampublikong panakayan.

Pikas bahin, supak si Bajador nga sirad-an kun i-shutdown ang mga sementaryo atol sa Kalag-Kalag karong November sanglit tradisyon na kini nga matag tuig, duawon gayud sa mga buhi ang ilang mga paryenteng mipanaw na sa laing kalibutan.

Dugang ni Bajador, usa o duha matag pamilya mao ra’y angay tugtang makasulod sa sam-ang ug kung makita na nga puno na ang sementeryo, dinha na limitahan ang dugang pagsulod diin pinaagi sa maong palisiya, malagmit atong malikayan ang pagkatag kun takod sa COVID-19.

“Seguro, naay limit…Isa o duha lang sa pamilya (ang tugtang makasulod sa menteryo…Unya, pagtan-aw nga puno na ang sementeryo, naa na’y limit. Para sa akoa, kanang ing-ana karon nga distansiya (one-meter distance) tama na seguro…Karon (kon) kulang ang unit, dugangan unta…para ang mga pasahero makasakay gyud,” dugang ni Bajador.




RadyoMaN Joel Viray

Facebook Comments