Pontevedra, Capiz – Ginapahayag sang Pontevedra PNP nga wala sang natabo nga gang rape sa 16-anyos nga dalagita nga una nag-reklamo sa ila. Ini ang base sa ila ginpatigayon nga imbestigasyon sa biktima. Suno sa hepe nga si Police Inspector Edgar Nuida, nagguha sa ginpatigayon nga medical examination sa amu nga biktima nga negatibo ini sa anuman nga laceration.
Ginpahayag dugang ni Nuida nga base sa ila imbestigasyon nagdugay pa sang pila ka oras antes ang biktima nagreport sa mga kapulisan.
Base sa reklamo sang biktima, gin-alegar sini nga nag-inom inom sila sa watch house upod sa iya dalagita man nga abyan kag sang mga ginareklamo nga mga suspek nga menor de edad nga mga lalaki kag diri natabo ang ginapahayag pagpanghimulos.
Nahibaluan nga hubog nga nagpadulong sa Pontevedra MPS ang 16 anyos nga estudyante kag gin-alegar sini nga ini ang biktima sang gang rape.
Sa karon padayon pa nga ginapadalman sang mga kapulisan ang nasambit nga kaso.
