ILOILO – Tuman ang kalipay ni SPO1 Redan Octaviano matapos maggwa ang resulta sang confirmatory drug test nga nagapamatuod nga negatibo ini sa illegal nga droga.
Una nga nagpositibo sa drug test si Octaviano sang nagpadrug test ini boluntaryo sang July 5, 2018 diri sa Iloilo.
Suno sa iya, pagkatapos sang iya promotional interview, nagkadto ini boluntaryo sa PNP crime laboratory 6 agud magpadrug test apang nakibot siya sang nagpositibo siya sa illegal nga droga sang ginpaggwa na ang resulta.
” Paggwa sang result sang July 5, garalain ako kay te syempre wala man ko gagamit. Kag akon boluntaryo man to nga pag undergo sa drug test. So kon gagamit ko ngaa makadto ako to nga may option man ko nga indi magpa drug test kon gagamit gid man ko. Pero kay limpyo akon konsensya kag bal-an sang Ginoo nga wala ko ya gagamit so what I did nagvolunteer ko ya kag magpa undergo dayun sang drug test para matapos dayun ang akon nga promotional nga proseso,” ang pahayag ni Octaviano sa interview sang RMN Iloilo.
Aminado si Octaviano nga masakit para s aiya kabataan kag pamilya nga malawagan sa radyo nga nagpositibo siya s aillegal nga droga.
Matapos sini, gilayon siya nga nagangayo snag legal advice, nagproseso sang tanan agud makapaconfirmatory test sa Metro Manila kag sang Agosto 1 ang iya schedule.
Sa ginpaggwa nga resulta sang confirmatory drug test sang Agosto 20, nakita nga negatibo sa ginadumilian nga droga si Octaviano.
Posible suno sa iya nga nagpositibo siya sa drug test diri sa Iloilo bangod sang amo nga tion, nakainom siya sang anti-acid nga posible naka-apekto man sa laboratory exam.
Wala naman makahingabot si Octaviano sa nationwide donning of ranks sa mga nagkalapromote nga mga pulis.
Sa pihak sini, nagapasalamat sa Ginoo si Octaviano nga naggwa gid ang kamatuoran bangod suno sa iya nahibaluan niya s aiya kaugalingon nga wala siya nagagamit snag illegal nga droga.
Photo from web
