Davao City- Nagpabilin gihapong requirement ang test before travel o 24-72 hours negative COVID-19 RT PCR test result o Saliva Test sa tanang air travelers sa Davao International Airport.
Sa interbyu sa DXDC RMN Davao kang City Tourism Officer Generose Tecson, matud niya nga bisan kung ang pasahero fully vaccinated kinahanglan gihapon kining mupresenta sa iyang resulta nga negatibo kini sa COVID-19 atol sa pag-abot niini sa airport.
Sumala ni Tecson, ang domestic passengers giabisuhan na lang nga magself-monitor sa COVID symptoms ug dili na kinahanglan pang mag-home quarantine sa pipila ka mga adlaw.
“Yes as of now RT PCR is still required. Iyong dati nating mga requirements for flying in at ease pa rin po. The only thing that has changed is we do not require home quarantine anymore,’’ sumala ni Tecson.
Alang sa mga pasahero gikan sa international flight, applicable gihapon ang Test Before Travel ug sutaon ang authenticity sa ilang mga vaccination cards.
Ang mga pasahero gikan abroad kinahanglang sundon ang Quarantine period base sa IATF Resolution 114 and 123-c Series of 2021 ug magdepende ang adlaw sa quarantine sa certificate gikan sa Bureau of Quarantine (BOQ).
Ang mga Davao City residents nga nakahuman na og quarantine sa ilang mga port of entry ug na-release human sa ilang negative results sa RT PCR, humanon nalang ang nabilin nila sa ilang quarantine days sa ilang mga panimalay.
Hugot nagpasidaan ang lokal nga gobyerno sa Davao nga mamahimong masilotan ang tanang pasaherong madakpang peke ang RT PCR test result.
RadyoMan Aimee Guinita
