Ya salva na muerte el un negociante del camaron y cangrejo durante el tiroteo na Sitio Camias, Curuan del Biernes por la noche.
El victima amo si Jayser Dagalea Perez, 29, soltero, del mencionao lugar.
Si Perez ya sostene tres irida de bala, tsaguis, na su cuerpo, y ya lleva conele entabla na hospital.
Asegun con el pulis ta para lang si Perez enfrente del diila casa banda alas 7 del noche cuando tiene ya lang dos persona ancas na un motorsiclo ya llega y el ancas ya tira conele tres beses.
El maga hechor ya escapa despues del incidente mientras con Perez ya lleva na hospital.
Maga pulis ya recobri tres capsula de caliber 45 pistola na lugar del incidente.
Ta precura pa sabe el maga pulis si quien el maga hechor y el motibo del incidente.
Facebook Comments
