Negociante victima de hold-up, P1.2M ya saca el suspechao

Ta continua pa ahora el pulis conduci el investigacion aserca con el hold-up ya sosede na un finger wharf na Baliwasan del Lunes aga donde el suspechao ya tira y ya saca pa el P1.2 million del victima.
Con el victima ya conose como si Abdul Mugni y Abdul, 28, un negociante y nativo de Jolo, Sulu.
Si Mugni junto consu primo si Harold Isnani, sintao na waiting shed adentro del Wee Ben wharf cuando ya aparese el un persona ta usa fatigue y ya pregunta conele si shabu ba el laman del su belt bag.
Pero ya contesta si Mugni que gendeh droga el laman sinu dinero.
Derepente ya lang el suspoechao ya precura rebata con el belt bag pero ya imbisti si Mugni.
Aqui deste, ya arangca pistola el suspechao y ya tira con Mugni dos beses.
El suspechao ya escapa llevando el belt bag del victima ta contene el P1.2 million.
Ta cre el maga pulis conose lang el suspechao con el victima y sabe este tiene ta carga grande cantidad de dinero.

Facebook Comments