Negosyante binaril it riding in tandem, padayon nga ginabueong sa hospital

160

KALIBO, AKLAN — Padayon makaron nga ginabueong sa Aklan Provincial Hospital rong biktima it pagpamaril kabii sa Brgy. Aquino, Ibajay, Aklan.
Ro biktima nakilaea kay Merlo Manocan, 44-anyos, negosyante sa isla it Boaracy ag residente man it nasambit nga lugar nga nakaangkon it tama sa tuo nga parte it tiyan ag sueang.
Suno sa biktima nga kabii samtang nagapamantaw ra imaw it TV sa sueod it andang baeay , nakabati imaw it andar it motorsiklo ag sa anang pagtan-aw may eompok nga ko ulihi anang napan uhan nga imaw ra may tama eon.
Uwa naman makilaea rong mga suspek bangud nga sa madueom, pero nakita nana nga daywang katawo ro sakay it motorsiklo.
Insigida imaw nga gindaea sa hospital ag ginasugid na nga ginsundan pa gid sanda it mga suspek ag may pagpamaeag pa nga ginbuhian.
Sa makaron hay uwa pa gid ma establisar kon ano ro motibo sa nasambit nga pagpamaril.
TAGS DYKR RMNKALIBO IBAJAY MANOCAN

Facebook Comments