Davao City – Hilabihang hadloka ang nabati sa usa ka negosyante human kini gibaharan ug gipangayoan og dakong kantidad pinaagi sa tawag ug text message nga nagpailang sakop sa NPA.
Base sa blotter sa Sta Ana PNP ang complainant mao si Gloria Espa, 62 anyos nagpuyo sa may J.P Laurel Bajada ning syudad.
Saysay sa biktima nagpailang Assistant Commander sa NPA ang tawo nga mitext kaniya bandang alas-12:47 sa kaudtohon.
Dugang sa complainant nakadawat kini og tawag ug giingnan siya sa wala mailhing suspek nga mangayo kini og suporta.
Daling gipalung sa complainant ang iyang cellphone apan nakadawat na sab kini og mensahe sa maong number ug gihulga nga sunogon ang iyang establisimiento.
Human sa hitabo ang complainant daling midangop sa Sta Ana PNP ang maong insidente.
RadyoMaN Don Pulayao
