Davao City- Patay ang usa ka negosyante human gidunggab alas 12:40 natigayun didto sa Marfori St. Bankerohan ning siyudad sa Davao.
Subay sa report sa San Pedro PNP, naila ang biktima nga si Donato Cabang, 47 anyos ug residente sa Lupon, Davao Oriental, samtang ang suspetsado ginganlang alyas Toto Puti, 45 anyos, usa ka laborer nagpuyo sa Barayko Bankerohan ning dakbayan.
Sa imbestigasyon sa kapulisan pinaagi ni Police Officer 3 Allawan, nagkalalis ang biktima tali sa suspek nga hubog niadtong tungora ug didto dayun gidunggab sa makadaghang higayon.
Daling gidespatsahan sa SOCO team sa pagpanguna ni SP03 Sherwin Valmores diin nasuta ang biktima nga nakaangkon og multiple stabbed wounds sa nagkadaiyang parte sa lawas hinungdan sa hinanaling kamatayun.
Nigawas sa imbestigasyon sa kapulisan nga ang motibo sa maong krimen ang panagbangi sa trabaho.
Ang suspetsado at large karong panahona samtang ang patay nga lawas sa biktima anaa na gihaya sa Angel Funeral Home ug ipailalom sa otopsiya.
Samtang ang kapulisan sa San Pedro padayong naglusad og manhunt operation aron sa pagsikop sa suspek o pag-ila sa kompletong identipikasyon sa maong suspetsado nga nidunggab sa biktima.
RadyoMan Don Pulayao
