Ang biktima giila nga si alyas “Jayjay”, 29 anyos, residente sa Purok 2, South Poblacion, Maramag, Bukidnon, nga mi-report nga siya ug iyang kauban sa negosyo misulod og transaksyon niadtong Mayo 2025 uban sa suspek nga giilang si alyas “Lyn” sa Davao City.
Matod sa biktima, upat ka bundle sa ukay-ukay ang ilang gipalit pinaagi sa online deal ug gibayran dayon ang tibuok kantidad. Apan sa kasamtangan, usa ra sa upat ka bundle ang nadeliver sa ilaha ug hangtod karon wala na matud pa sila nakadawat og klarong tubag gikan sa suspek.
Niadtong petsa sa iyang pagsumbong, personal nga misulod sa tindahan sa suspek si Jayjay aron mangayo og klarong tubag. Apan ang inahan ra sa suspek ang nakig-atubang kaniya ug naghatag og nagkalain-laing rason. Gisusi usab sa biktima ang tindahan ug nakitang walay mga bundle sa ukay-ukay sulod niini, hinungdan nga misuspetsa siya nga nalimbongan sila sa maong transaksyon.
Sa karon ginapanubayan na sa kapulisan ang maong taho.
RadyoMaN Kareen Beltran
