Pagadian City – Nagpalaban sa buhatan sa kapulisan ning syudad ang magtiayon nga negosyante human gikawatan ala 1:45 sa hapon dihang dapita sa B. Aquino Street corner Rizal Avenue ning syudad sa Pagadian.
Sumala sa sumbong sa biktima nga sila si Mary Rose Layague 30 anyos kauban ang iyang mister nga si Roy pulos residente sa Brgy. Maragang Tigbao, Zamboanga del Sur samtang naa sila sa sulod nga bahin sa usa ka ilado nga kan-anan og giparking ang ilang sakyanan nga maoy gibutangan sa mga kinompra nakugang nalang ang mga biktima dihang sa ilang pagbalik nahanaw na kini.
Base sa nakuha nga kopya sa CCTV camera gipas-an sa mga suspek ang mga ilimnon nga makahubog nga ilang karga paingon sa wala matino nga lugar naglaom ang mga tag-iya nga maila ang mga lalaki nga maoy nikawat sa ilang mga kinompra.
