Davao City – Gipusil-patay sulod sa iyahang sakyanan alas-12:00 sa udto ang usa ka negosyante nga giila nga si Rolando Villaruz “Bebot” Esmaya.
Sa eksklusibong interbyu sa RMN Davao kang Davao del Norte Police Provincial Director P/Senior Supt. Ferlu Silvio nga gipusil ang biktima sa wala pa mailang suspek didto sa may Prk. 2 feeder Road 1, Brgy. Tibal-og, Sto. Tomas, Davao del Norte.
Kasamtangang ginaberipika pa karon kung ang maong biktima giingong usa kini ka lider sa usa ka grupo sa gun for hire matud ni Silvio.
“Initial investigation natin si Esmaya naka-park ang iyahang sakyanan gawas sa usa ka balay. Ginapa-check pa nako kay naay info nga leader ni siya sa Esmaya group usa ka gun for fire,” matud ni Silvio.
Nakarekober ang mga awtoridad og mga basyo sa M16 sa crime scene.
Gipalawman pa karon sa kapulisan sa Sto. Tomas ang imbestigasyon aron masuta ang motibo sa pagpatay sa biktima.
RadyoMaN Aimee Guinita
