Patay ang usa ka lalaki human gipusil sa wala mailang suspek alas dos kapin kun kulang ang takna sa kadlawon kagahapong adlawa diha sa may purok Pagasa, sitio baraas barangay Tubod ning syudad sa Iligan.
Ang biktima gilang si Dexter Samson, hingkod ang panuigon, usa ka negosyante sa Tambo Market.
Naka angkon kini ug walo ka samad pinusilan sa ulo ug pipila ka parte sa lawas sa biktima.
5 ka bala sa kalibre .45 nga pistola ang na recover sa crime scene.
Nakita usab sa maong crime scene ang usa ka karton ug ang motorsiklo sa nasangpit nga biktima.
Gidala sa Mary Venus Funeral Homes ang nasangpit nga biktima, samtang gitan-aw sa kapulisan ang anggulong love triangle nga maoy hinungdan sa pagpamusil patay.
Padayon usab nga gipangita sa kapulisan ang usa ka babae nga giingong ulahi nga naka uban sa maong lalaki sa wala pa ang maong insidente.
