Negosyante gipusil-patay

163

Davao City – Padayong giimbestigahan sa kapulisan sa Sta. Ana kung unsay motibo sa pagpusil-patay sa usa ka negosyanteng nailang usa ka Paul Andre Fabian Diaz, 28 anyos, residente sa Rivera Village, Brgy. Paciano Bangoy, syudad sa Davao.

Base sa report sa Sta. Ana PNP, ang biktima gipusil sa wa mailhing suspek pasado alas 4:00 sa hapon sa Dacudao Avenue ning dakbayan diin ang suspek anaa sa 30 anyos, 5’8”- 5’9” ang gitas-on ug nagsu-ot sa pula nga jersey ug itom nga short pants.


Sumala pa sa usa ka witness nga gitago lang sa pangalan alias “Glenn”, ang biktima nga sakay sa iyang pick up mibalik sa iyang tindahan gikan sa usa ka establisemento ug nadungog nalang ang kusog nga buto sa pusil diin pagkakita niini natumba na ang biktima.

Na-recover sa SOCO Team ang upat ka basiyo sa .45 kalibreng pistola.

Ang biktima nagbaton og igo sa ulo ug uban pang bahin sa lawas resulta sa iyang kamatayon diin karon gilusad na sa otoridad ang Hot Pursuit Operation alang sa hinanaling pagsikop sa wala mailhing suspetsado.

RadyoMaN Don Pulayao




Facebook Comments