Natangag sa mga tulisan ang dili mo ubos sa 40,000mil ka pesos nga salapi nahitabo kini didto sa may brgy. Bago, lungsod sa Sindangan.
Naila ang mga biktima nga sila si Nelly Elaga Hamisola, 45 anyos, usa ka negosyante ug si Jason Elaga Baldomero, 24 anyos, ulitawo pulos residente sa susamang dapit.
Matod pa, gitulis kini sila sa duha ka wala mailang mga armadong tawo nagsuot ug itom nga jacket ug bonnet. Duol sa tribal hall sa maong brgy.
Dugang pa nga sa dihang mikanaog sila sa bus nga ilang gisakyan ug nagbaklay padulong sa ilang panimalay, kalit lang mibutho ang mga suspek ug mitutok kanila sa kalibre 45 dayong kuha ug pugos sa ilang shoulder bag.
Buot pa unta nga mo iktad si Nelly apan gidukdok na hinoon kini sa armas hinungdan nakaangkon kini ug bun-og.
Human nakuha ang gisudlan sa kwarta, dali nga misibat ang mga suspek sakay sa motorsiklo padulong sa sentrong bahin sa Sindangan.
Padayon pa karon ang pagpangita sa mga pulis sa mga supek aron sa posibleng pag-ila ug pagsikop sa mga tulisan.
