Sikop sa gihimong joint buy bust operation sa kapulisan sa presento 3 pinagunahan ni Police Captain James Daleon, kauban ang Iligan City Intelligence Branch-City Drug Enforcement Unit ang suspetsado sa pagpayuhot sa illegal nga droga sa may Purok 4 Tag-ibo, sakop sa Barangay Dalipuga, ning syudad sa Iligan.
Ang suspek nailang si Rolando Habagat y Gimeno, usa ka drug surenderer, 49 anyos, minyo, usa ka negosyante, ug residente sa nasangpit nga lugar.
Napalit gikan sa maong suspek ang usa ka medium sized nga sachet sa gituohang shabu, nga dunay gibug-aton nga 0.8 grams, ug market value nga 500 pesos.
Nakuha usab sa possession niini ang upat ka gagmang sachet sa shabu, nga motimbang ug dos gramos, ug dunay market value nga dos mil ka pesos, usa ka five hundred pesos nga buy bust money, aluminum foil strip, plastic straw, gunting, usa ka forceps, ug upat ka disposable lighter.
Dakpan usab sa maong operation si Renei Magbanua, 32 anyos, minyo, usa ka truck helper ug residente sa Datu Selo Magpit, North Cotabato, kinsa naaktuhan nga nag pot session sa maong lugar.
Nakuha usab sa iyang possesion ang duha ka medium sized plastic sachet sa gituohang shabu, nga motimbang ug kapin kun kulang dos gramos ug dunay market value nga 2 thousand pesos.
Laing nadakpan si Rene Marte Jr. y Dangcal, 46 anyos, single, walay trabaho, ug taga Barangay Regner, Manticao Misamis Oriental, kinsa naaktuhan usab nga nag pot session sa nasangpit nga lugar.
Nakuha sa iyang possession ang usa ka gamayng sachet sa gituohanng shabu nga dunay gibana-banang kabug-aton nga kapin kun kulang 0.5 grams ug dunay market value nga 500 pesos.
Ang mga nakunpiskang mga ebidensya, gidala na sa PNP Crime Lab sa Barangay Tipanoy alang sa dugang examination samtang ang mga suspek, temporaryong gi detained sa Police station 3 samtang gi preparar ang kasong paglapas sa Republic Act 9165.
