Davao City – Laing diskarte ang gihimo sa ubang mga negosyante labi na panahon sa pagtaas sa Liquefied Petroleum Gas (LPG).
Sa pakighinabi sa DXDC RMN Davao kang Leon Veroy, negosyante nga taga Davao Oriental apan kasamtangang nagpuyo sa Piapi Boulevard ning syudad sa Davao, gisaysay niini nga sa iyang pagpaninda og niluto nga mais nga tibuok ug shredded, nagagamit siya og LPG, apan kung magtaas ang presyo sa LPG, nagagamit na lamang usa kini og uling ug mais nga tibuok lamang usa ang iyang ginatinda.
Gi-angkon ni Veroy nga gamay lang ang inyang mamahimong ginansya tungod sa maong pagtaas sa presyo. Dili usab siya mamahimong mupataas sa presyo sa iyang produkto tungod kay naandan na kini sa mga mamalitay.
Nasayran nga epektibo karong adlawa, Pebrero 1 ang gipatumang pagtaas sa presyo sa Liquefied Petroleum Gas (LPG) subay sa anunsyo sa mga kumpanya niini ngadto sa Department of Energy (DOE).
Nasayran nga anaa sa P3.88 matag kilo ang gitaas sa LPG. Samtang nagpatuman usab ang usa ka kumpanya og P2.17 nga dugang presyo sa matag litro sa auto LPG.
RadyoMaN Kirby Manzon
