Dipolog City – Priso ang usa ka negosyanteng tigpayuhot og ilegal nga druga human napalitan og nadakpan sa operatiba sa City Drug Enforcement Team sa Dipolog PNP niadtong adlaw’ng sabado alas 10:30 ang takna sa gabii, sa may Rizal Ave., Central Barangay, dakbayan sa Dipolog, particular gawas sa Gonzales Compound.
Ang nadakpan giila sa kapolisan nga mao si Diouric Gonzales, 27 anyos ulitawo, kinsa gikonsederar nga Number 7 sa Top 10 High Value Target [HVT] Priority Target sa Dipolog CPS og Top 4 HVT sa ZNPDEA diin residente sa nasampit nga barangay.
Subay sa police report, atol sa operasyon daling giarresto sumala pa si Diouric dihang napalitan sa gituohang shabu sa usa ka polis nga nagpatuong pusher buyer, nagkantidad og 2,000 mil ka pesos nga buy-bust money apan gipanghimakak niini ang alegasyon.
Nakuha gikan sa dinakpan ang lain duha ka dakong pakete sa gituohan shabu, diha gisulod niini sa condom atol sa joint operation nga gipangulohan ni Police Chief Inspector Vergil Bruce Dario.
Sumala pa sa kapolisan nga dunay estimated market value ang nasakmit nga illegal drugang (shabu) sa suspek Three Hundred Thousand ka Pesos (Php 300,000.00).
