Davao City – Dol-an usa ka milyon ka pesos ang nakuha gikan sa usa ka negosyante human nailad sa car dealer.
Subay sa report sa Talomo Police Station, ang biktima si Berrick Alcantara, residente sa NHA Bangkal, syudad sa Davao.
Gitudlong suspek mao sila Trinidad Rivera ug Marknel Crudo Pascual nga giingong taga-Taguig City, Metro Manila.
Base sa imbestigasyon, gihanyagan ang biktima ug mga foreclosed nga SUV sa barato nga presyo hinungdan nagka-interesado si Alcantara.
Matud pa nagkita ang tulo dinhi sa syudad sa Davao ug nagkasabot nga tulo ka sakyanan ang paliton sa biktima.
Nagdeposito og salapi ang negosyante (Alcantara) sa account number nga nakapangalan ni Jocelyn Mallari sa kantidad 790,000 mil ka pesos ug mipasalig ang duha (Rivera ug Pascual) nga i-deliver, ang tulo ka mga 4-wheel vehicle.
Matud ni Alcantara kalit na lamang, dili na mokontak ang duha ka mga suspetsado, hinungdang iyang gireklamo sa kapolisan ug padayon pang giimbestigahan.
RadyoMaN Paul Canono
