Davao City – Tungod sa bugas, itlog ug sinina nailad ang usa ka negosyante hinungdan nga nagpatabang sa Sta Ana PNP ang biktima nailang Karen Samsun, 36 anyos residente sa Purok 1-A, Brgy.Riverside, Calinan, Davao City.
Sumala pa iyang gireklamo ang usa ka Lizza Jean Pinay-an taga Jerome, R-Castillo, Brgy. Lapu-lapu nga maoy mitanyag kaniya og transaksyon online nga bugas nga tag P1,200.00 per sako.
Nakigkita ang biktima sa suspek sa may Lanang ug mi-invest ug P35,800.00 diin nag ekspektar kini nga makakuha og 29 ka sako nga bugas sulod lamang sa 12 diyas.
Subling gitanyagan sa suspek nga kun mag-invest og P 45,000.00 makakuha kini ug 55 ka sako nga bugas,50 ka trays nga itlog ug mga sinina ug nakigkita na sab ang biktima niadtong Pebrero 18.
Hangtod sa miabot na sa dul-an P100,000.00 ang na invest ni Samsun apan hangtod karon walay gi-release nga mga items ug wa na nagpakita ang suspek.
Sa karon padayong gipangita sa kapulisan ang suspek aron manubag sa krimen nga gibuhat niini.
RadyoMaN Don Pulayao
