Davao City – Nakaangkon og samad ingon man bun-og sa nagkadaiyang parte sa lawas ang usa ka negosyante human gipuspusan ug gikulata nahitabo alas-8:30 sa gabie didto sa Public Market, Bankerohan siyudad sa Davao.
Sa report gikan sa San Pedro PNP, naila ang biktima nga usa ka Gaudino Ando, 38 anyos, nagpuyo sa JPMI Subd., Maa, ning siyudad, samtang ang suspect naila nga si Jerry Lupugan, 23 anyos, napuyo sa nahisgutang lugar.
Matud pa samtang anaa ang biktima didto sa iyang tindahan nahimutang sa may Marfori St. Bankerohan, wala ka bantay ang biktima sanglit kalit kining giduol sa suspect dayon gibunalan tumong sa nagkadaiyang parte sa lawas gani miresulta sa pagkaangol sa biktima.
Daling misibat ang suspetsado sa wala matinong lugar human sa panghitabo ug ang biktima igo nalang sa pagdangop sa presinto sa San Pedro samtang ang kaso giduso na sa barangay level.
RadyoMaN Don Pulayao
