Pitogo, Zamboanga del Sur – Padayon pang gipangita sa kapulisan sa lungsod sa Pitogo ning probinsya sa Zamboanga del Sur ang babaye nga maoy resposable sa pag-ilad sa usa ka negosyante sa maong lungsod alas 2:00 sa hapon niadtong merkulis.
Nagpalaban sa kapulisan ang biktima nga si Carmelita Maghanoy, 20-anyos, negosyante og residente sa nahisgutan nga lugar human kining nailad gamit ang nagilak nga relo.
Sumala sa biktima, dunay usa ka babaye nga miduol kaniya og mitanyag sa relo nga Gold Plated Sieko Watch sa kantidad lamang nga P 2,500.
Nadani ang biktima sa malamaton nga pulong ug pakilu-oy sa supek nga babaye busa dali niining gitunol ang tuskig ng 2,500 pesos.
Dihang gisuta sa biktima ang relo nakugang nalang kini dihang namatud-an nga peke diay ang maoy relo og mapalit lamang sa kantidad nga 350 pesos.
Gumikan sa hitabo nagpahimangno kapulisan sa lungsod Pitogo ngadto sa publiko nga mag-binantayon sa tanang panahon aron daling maka-alingat sa lihok sa mga mangingilad.
