Patay ang isa ka kumprador sang baboy sang ini ang gintiro sang suspek nga nagasakay sa motor pasado la una sini nga hapon sa Brgy. Sum-ag, Bacolod City.
Suno kay Bacolod City Police Office ( BCPO) Spokesperson Lt. Col Ariel Pico nga base sa ila inisyal nga pag-usisa, ang biktima nakilala kay Randolf Domingo, 38 anyos, residente sang Purok Kaingin, Brgy. Singcang Airport.
Pahayag niya nga ang biktima ang halin sa southern Negros para sa isa ka transaction sa diin papauli na ini sa iya balay samtang sakay sang iya auto upod ang iya iloy kag asawa, pag-abot sa sum-ag, ini sila ang nagpundo agud nga magpangihi sa higad ang biktima.
Apang sa iya pagbalik sa salakyan, ini ang ginpalapitan sang suspek nga nagasakay sa motorsiklo kag hinali nga gintiro sang makapila ka beses.
Sa karon padayon ang imbestigasyon sang utoridad sa motibo sang pagpatay sa biktima.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
